Nýi PizzaKing gaspizzaofninn með snúningssteini er kominn í sölu í Ormsson og við vildum vita hvort hann stæði undir væntingum. Niðurstaðan eftir um tuttugu pizzur er einföld: Þegar ofninn og pizzasteinninn hafa náð réttum hita er hægt að baka ótrúlega góðar pizzur á innan við tveimur mínútum – stökkar að utan, mjúkar að innan og með fallega bakaðri skorpu, rétt eins og á góðum, ítölskum veitingastað.
Við gerðum öll mistökin svo þið þurfið ekki að gera þau
Við viðurkennum það alveg: Við vorum aðeins of spennt í byrjun.
Fyrstu pizzurnar fóru inn áður en pizzasteinninn var orðinn nógu heitur. Útkoman var því ekki alveg sú sem við höfðum séð fyrir okkur. Botninn þurfti meiri hita og pizzurnar lengri tíma í ofninum.
En þegar við gáfum ofninum nægan tíma til að hitna breyttist allt.
PizzaKing þarf um 20 til 30 mínútur til að ná fullum vinnsluhita. Þegar steinninn var orðinn almennilega heitur bökuðust pizzurnar á innan við tveimur mínútum. Botninn varð stökkur, skorpan létt og fallega bökuð og osturinn bráðnaði fullkomlega.
Okkar besta ráð er því einfalt: Ekki flýta þér með fyrstu pizzuna. Leyfðu ofninum og steininum að hitna vel áður en baksturinn hefst. Það er lykillinn að góðum árangri.
Snúningssteinn sem einfaldar baksturinn
Eitt af því sem gerir PizzaKing pizzaofninn sérstaklega skemmtilegan og þægilegan í notkun er stóri 405 × 405 millimetra cordierite-pizzasteinninn sem snýst sjálfkrafa. Sjálfvirki snúningurinn snýr pizzunni þannig að hún bakast jafnt. Þú losnar líka við að baksa með spaðann og færa pizzuna til og frá því snúningssteinninn gerir það fyrir þig. Það skiptir miklu máli í svona heitum ofni. Við allt að 500°C hita gerast hlutirnir hratt og því er sjálfvirki snúningurinn mikill kostur á meðan pizzan bakast.
Ofninn passar fyrir allt að 16 tommu pizzur þannig að hann hentar jafnt fyrir litlar einstaklings pizzur og stærri pizzur til að deila.
Pizzapartý sem allir geta tekið þátt í
Það skemmtilegasta við pizzapartýið okkar var ekki bara hvað pizzurnar urðu góðar. Upplifunin sjálf sló líka í gegn.
Við keyptum mismunandi álegg, hver og einn bjó til sína eigin pizzu og síðan var fylgst með henni bakast á örskömmum tíma. Sumir héldu sig við klassíska pizzu með pepperóní eða skinku, aðrir prófuðu nýjar samsetningar – og þegar um tuttugu pizzur höfðu farið í gegnum ofninn var eitt ljóst: PizzaKing pizzaofninn breytir kvöldmatnum í viðburð.
Öflugur ofn á frábæru verði
PizzaKing er öflugur 8,2 kílóvatta gaspizzaofn sem er hannaður til notkunar utandyra. Hann er með piezo-kveikju, logavörn og samanbrjótanlega fætur. Ofnhúsið er úr ryðfríu stáli og aflið er stillanlegt, svo auðvelt er að stjórna hitanum eftir því sem líður á baksturinn.
PizzaKing pizzaofninn kom skemmtilega á óvart
Eftir um tuttugu pizzur getum við hiklaust mælt með PizzaKing pizzaofninum. Það tók örlitla stund að læra á hitann – fyrst og fremst að bíða þar til steinninn var orðinn nógu heitur – en eftir það var þetta leikur einn og enginn fór svangur heim.
Pizzurnar voru tilbúnar á innan við tveimur mínútum og bragðið, botninn og skorpan minntu á það sem maður fær á góðum ítölskum veitingastað. Svo er einfaldlega ótrúlega gaman að búa til sína eigin pizzu og sjá hana bakast fyrir framan sig.
Ef þig langar að gera ekta pizzur heima, halda ógleymanlegt pizzapartý og fá öflugan pizzaofn á frábæru verði, þá er PizzaKing mjög spennandi kostur.
Skoðaðu PizzaKing pizzaofninn og pantaðu á ormsson.is
Athugið: Pizzaofninn er eingöngu ætlaður til notkunar utandyra.